9 қыркүйек сағ 14.00-де Теміртау қалалық тарихи-өлкетану мұражайында Отбасы күні қарсанында Теміртау қаласының көп балалы отбасыларына арналған «Жанұя» атты экспозиция ашылды.

Экспозицияның ашылуына қатысқан қонақтар ұяда отырған құстар инсталляциясы арқылы ошақ түтінін түтетіп отырған ананың ікші жан дүниесін көрді. Қабырғада салынған құрақ көрпе арқылы ананың жылулығы мен мейірім құшағында өмір сүріп келе жатқан отбасы суреттерін тамашалады, отбасылық құндылық ретінде атадан балаға жеткен мұрамен танысты.

Көрменің ашылуына көп балалы аналар отбасы мен Теміртау қаласы Халықты әлеуметтік жұмыспен қамту орталығының қызметкері Жаналиева Татьяна Альбертовна қатысты.