2017 жылдың 6 қаңтарында Теміртау қалалық тарихи-өлкетану музейінде «Шексіз музей» жобасының аясында «Ежелгі өнер – петроглифтерден балбалға дейін» тақырыбында іс-шара өтті. Іс-шараға мүмкіншілігі шектелген балалар, есту қабілеті нашар және мүлдем жоқ мүгедектер қатысты.

Іс- шара барысында балалар ежелгі адамдардың өнерімен танысты – ол тастарға салынған петроглифтер, қыш өнері және балбалдар тас мүсіндер өнері. Балалар алған білімдерін практикалық іс-әрекеттермен бекітті. Әрбір қатысушы петроглифтер салып, қышқа сурет салып, балшықсаздан балбал жасады.

Іс-шараға балалардың ата-аналары мен Теміртаулық саңыраулар мәдениет үйінің өкілдері қатысты.