Теміртау қалалық тарихи- өлкетану музейінде 1 наурыз күні Қалалық Кеңес ардагерлерінің 30-жылдығына орай «Тарихты сақтаушылар» экспозициясының ашылуы өткізілді.

Музейлік экспозицияда алғаш рет Қалалық Кеңестің өткен тарихы мен қазіргі күндегі өмірі көрсетіліп қана қоймай, онда ұйымның негізін қалағандардан бастап, қаланың ардагерлері музейге сыйлаған бірегей заттық экспонаттар қатары ұсынылды.

Экспозицияның ашылуына келген қонақтар Кеңес ардагерлерінің мүшелері, қалалық маслихаттың өкілдері, Теміртаулық жастар клубы, студенттер мен №6 мектеп оқушылары болды.

Іс-шара барысында ардагерлерімізге алғыстар айтылып, сонымен қатар қаламыздың жастары мен ардагерлері бір-бірін қалай түсінетіндігі сыналды.