27 қазанда «Рухани жаңғыру» мемлекеттік бағдарлама аясында «Селдей аққан металдың бастауы» облыстық ғылыми-практикалық конференция өткізілді.

Конференцияға кейінгі қола дәуірі кезеңіндегі Кент тауларында орналасқан Алат қонысына ұйымдастырылған археологиялық экспедиция мүшелері - Бөкетов ат. ҚарМУ «Археология, этнология және  Отандық тарих» кафедрасының және ҚарМИУ «Металлды қысыммен өңдеу» кафедрасының профессорлары қатысты. 2016-2017 жылдары Алат қонысына ұйымдастырылған археологиялық экспедицияның жетекшілері профессорлар  В.В. Евдокимов пен С.У. Жұмабаев баяндама оқыды. Олар ғылыми-зерттеу жұмыстары мен қазбалардың нәтижелерімен ой бөлісті. Темірді қорытуға арналған металгургиялық пештің қайта қалпына келтірілуі туралы доцент Ж.Қ. Аманжолов баяндады.

Музей Орталық Қазақстанда металлургияның даму тарихы туралы фото-құжат материалдары мен  қола, темір қорыту пештерінің макетін ұсынды.

Конференцияға 80-ге жуық адам - ҚарМИУ «Металлды қысыммен өңдеу» кафедрасының оқытушылары мен студенттері, қала мектептерінің тарих және қоғам пәндерінің оқытушылары, туристік клуб мүшелері, Теміртау қаласының құрметті металлургтері қатысты.