2021 жылдың 15 ақпанында Теміртау тарихи-өлкетану музейінде «Ай жәдігері» атты экспозиция ашылды. Бұл жолы экспозиция Кеңес әскерлерінің шектеулі контингентін Ауғанстаннан шығару күніне арналды. Музейде 1969 жылғы үлгідегі Кеңес Армиясы әскери қызметшілерінің КСРО-ның ыстық аудандарында киетін армиялық панамасы ұсынылды.
Армиялық панамалар 1935 жылдан бастап Кеңес армиясының әскери қызметшілерінің формасының элементі болды, алайда 1969 жылғы үлгідегі панаманың кейпі Кеңес Одағының Ауғанстандағы соғысқа (1979-89 жж.) қатысуымен байланысты. Мұндай панамаларды әскери қызметшілер Орта Азия және Түркістан әскери округтеріндегі оқу бөлімдерінде, содан кейін Ауғанстанда әскери қызметін өтеу кезінде киді.
1980 жылдардың ортасынан бастап, 1969 жылғы үлгідегі әскери формаға қатысты көптеген шағымдарды ескере отырып, Ауғанстандағы Кеңес әскерлерінің формасы ауыстырыла бастады. Оның ішінде бас киім де өзгерді: армиялық панама фуражкаға ауыстырылды.
Панама тығыз мақта матадан тігілген, ауа өткізетін саңылаулары бар, иек белбеуі бар. 1988 жылы Ташкент қаласындағы Ахунбабаев атындағы бас киімдер фабрикасында жасалған.
Әскери панаманы 1990 жылы музей қорына Теміртау қаласы әскери комиссариаты командирінің саяси жұмыс жөніндегі орынбасары В. Г. Бодрягин тапсырды.
Экспозицияның ашылуы Instagram тікелей эфирінде өтті. Көрме бір ай бойы жұмыс істейді.