2021 жылдың 23 қыркүйегінде Теміртау қалалық тарихи-өлкетану музейінде Қазақстан Республикасы Тәуелсіздігінің 30 жылдығын мерекелеу аясында Т.Әубәкіров атындағы гимназияның 30 жылдығына арналған «Алғашқылар» атты экспозиция ашылды.

Экспозицияда гимназияның қалыптасуы мен оның қазіргі өмірімен байланысты фотосуреттер мен деректі материалдар ұсынылған. Құжаттар экспонаттармен – 1990 жылдардағы Т.Әубәкіров атындағы  гимназияның музейге берілген мектеп оқулықтарымен толықтырылды.

Көрме қонақтары 1990 жылдары мектеп-гимназия сыныбының бір фрагментін бейнелейтін арнайы құрылған фотозонда естелік суреттер түсірді.

Экспозицияның ашылуына Теміртау қаласында алғашқы инновациялық оқу орнын құруға тікелей қатысы бар педагогтар қатысты.