30 мамыр күні сағат 10.00-де Теміртау қалалық тарихи -өлкетану музейінде жаппай саяси қуғын-сүргін және ашаршылық құрбандарын еске алу күніне орай "Қазақстандағы “Кіші Қазан” саясаты” атты teach-in өтті. 1920-30 жылдарға жататын жәдігерлер, естеліктер мен құжаттар арқылы "Кіші Қазан" саясатымен туындаған қазақ халқының қасіретінің хроникасы: БКП (б) 1927-33 жж. қаулылары, қазақ зиялыларының хаттары, статистика және ашаршылықтың салдары баяндалды. Сондай-ақ оқиғалар ұжымдастыру жылдарындағы Самарқанд кентінің (1945 жылдан бастап – Теміртау қаласы) өмірі арқылы көрініс тапты.