2022 жылғы 16 қыркүйек суретші Юрий Пильтихиннің 65 жылдығына арналған «Аса» тамаша көрме» атты вернисаждың ашылуы өтті.

Юрий Васильевич Теміртау қаласының танымал суретшісі. Мәскеудегі Н.К. Крупская атындағы Халық университетінің сырттай бөлімін «Кескіндеме және графика» мамандығы бойынша бітірген. Әскерден кейін Қарағанды педагогикалық институтының «Сызу және бейнелеу өнері» факультетінде оқыды. «УДР» ЖШС кәсіпорнында суретші-безендіруші болып жұмыс істеді. 80-ші жылдары Теміртау қаласындағы «Колорит» көркемөнерпаздар клубының ұйымдастырушысы және белсенді қатысушысы болды. 2006 жылдан бастап «Т-Арт» суретшілер клубының төрағасы. Оның төрт жеке көрмесі ұйымдастырылды.

Оны жан-жақты суретші деп атауға болады, ол сурет пен кескіндемеде, сонымен қатар сәндік-қолданбалы өнерде көптеген техникалық әдістерді игерген. Ол бүгінде ашық ауада жұмыс істейтін және скетчтер мен жылдам эскиздер жасайтын суретшілердің бірі. Тамаша әзілдігі оған қаладағы жетекші шаржист болуға мүмкіндік берді.

Юрий Васильевичтің коллекциясында Теміртауға арналған көптеген туындылар бар. Оны қаланың шежірешісі деп атауға болады.

««Аса» тамаша көрме», суретші өзінің мерейтойлық вернисажын осылай атады. Бұл атауда өзіндік мән-мағына бар. Алғашқы түсінікте өте жақсы көрме. Сондай-ақ, келушілер мүйіздері мен тұяқтары бар сайтандар бейнеленген бірқатар жұмыстарды көрді, олардың бейнесінің артында адамдардың жаман қасиеттері жасырынған.

Экспозиция бөлімдерінің бірі - көркем эскиздерден құралған алты метрлік коллаж. Сондай-ақ, қалаға арналған тақырыптық суреттер сериясы, пейзаждар, маскалар ұсынылды. Барлығы 91 жұмыс.