2023 жылғы 1 ақпанда Сталинград шайқасының 80 жылдығына орай (1942 жылғы 17 шілде – 1943 жылғы 2 ақпан) «Биіктік102» экспозициясы ашылды.

102 биіктік  – Сталинград қаласының ең биік нүктесі (Волгоград) - Мамаев қорғаны. Мұнда жауынгерлердің, Сталинград қорғаушыларының ортақ қабірі орналасқан.

Сталинград шайқасына қазақстандық әскери құрамалар қатысты: 75-ші теңіз атқыштар бригадасы, 459-шы атқыштар дивизиясы, 81-ші атқыштар дивизиясы, 129-шы миномет полкі, 156-шы көпір салу батальоны, 460-шы атқыштар дивизиясы.

Төрт қазақстандық жауынгер Сталинград шайқасындағы ерлігі үшін Кеңес Одағының Батыры атағына ие болды. Оның ішінде қарағандылық, ұшқыш Нұркен Әбдіров бар.

Самарқанд кентінің 31 тұрғыны (1945 жылдан – Теміртау қаласы) Сталинград шайқасының қорғаныс және шабуыл операцияларында қаза тапты. Біздің 8 жерлесіміз хабар-ошарсыз кетті.

Экспозицияның негізі қираған Сталинградты бейнелейтін конструкция болды. Қабырғалардың жақтауларында қаза тапқан және хабар-ошарсыз кеткен самарқандтардың фотосуреттері, қайтарымсыз шығындар туралы есептерден үзінділер және ортақ қабірге жерленгендердің тізімдері орналастырылды.

Бірегей құжаттар, фотосуреттер мен көлемді жәдігерлер арқылы Сталинград шайқасына тікелей байланысты Самарқанд кентіндегі оқиғалар бейнеленген: болашақ композитор Александра Пахмутованың осында болуы, немістердің әскери тұтқындарына арналған лагерьлердің ашылуы және т. б.

Экспозицияның ашылуына қалалық мектептердің жоғары сынып оқушылары, қалалық және облыстық БАҚ өкілдері шақырылды.