Теміртау қалалық тарихи - өлкетану мұражайында 13 қаңтарда сағат 16.00-де,  ескіше Жаңа жыл мерекесі қарсаңында «Арт-Маскарад» көрмесі ашылды. Қаламыздың жиырма суретшісі өздерінің ең үздік жұмыстарын көрмеге қойып, жылдық еңбегін келушілер назарына ұсынды. Бұл 60-тан астам түрлі жанрда орындалған, кішігірім мүсін, флористика, сәндік қол өнер шығармашылығы және т.б. Көрмеге келушілер таңғажайып маскарадқа тап болды, суреттер де, олардың авторлары да жұмбақ бетперде киген, оларды тану мүмкін емес. Бетперденің ар жағында жасырынған автор мен суреттердің атауын Ақшақар мен Аяз Атаның көмегімен тауып отырды.

Бұл іс-шараға 100-ден астам адам қатысты.Сонымен қатар үш апта бойы жұмыс істеген «Жаңашыл шырша» сайысының нәтижесіде жарияланды. Жеңімпаздар дипломдар мен сыйлықтарға ие болады.