17 маусым сағат 9.30-15.00 аралығында Қалалық тарихи-өлкетану мұражайы Теміртау қаласының қонақтары мен тұрғындарына арнап «Мұражай қалашығы»  атты іс-шара өткізді. Жазғы демалыс уақытында қалалық мұражай  алаңында  ойын-сауықтыру шарасын өткізу жақсы дәстүрге айналды.     

Бұл жоба іске 2005 жылы қосылды, сондықтан да мерейтойды атай отырып, біздер осы он жыл ішінде өткен қызықты-танымды  кезеңдерді  тандап алдық. 

Мұражай алдында  алуан түрлі шығармашылық алаңдар жұмыс жасады, шараға қатысушылар әр түрлі ойындар ойнап,  қызықты  ақпарат алды.

• Тілектер ағашы – бұл өмір нәрін беретін тіршілік ағашы, балалар  өз тілеулерін жазып, мұражай алдында өсіп тұрған ағашқа іледі, тілектері орындалады.
• Мұражайлық гүл алаңы -  шын мәнінде экзотикалық гүлдерді отырғызуға болады. Ол үшін алдын ала қағаздан дайындалған гүлдің бөліктерін желімдеп, оны гүл алаңына отырғызу керек.
• Мыстанның үйшігі – балаларды мыстан кемпір қарсы алып, сиқырлы сусунды әзірледі, пайдалы өсімдік-шөптермен таныстырды.
• Қалалық аркада – Теміртау қаласына саяхат жасау, әрбір үстел ойындарында сияқты, мұнда да өз кубиктері, фишкалары, ойынның алмасу реті және де жасырынды қаланың нысандары бар.
• Кондитерлік фабрика-  ермексаз және моншақ  арқылы әрбір шараға қатысушы, өз ойындағы кондитерлік тағамды әзірлеп, Мұражай қалашығын 10 – жылдық мерейтойына сыйға тартты.
• Геральдикалық шеберхана – түрлі түсті қағазды қолдана отырып, Мұражай қалашығының эмблемасын құрастырды.
• Планетарий- шараға қатысқан әр оқушы, қағаздан өз жұлдызын қиды, ол жұлдыздар  Мұражай галактикасында өз орнын тапты.
• Зерде ойындары - мұнда ребустар,жасырын сөз,  жұмбақтар шешіп, логикаға арналған ойындар ойнап, зейін арттырды.
• Әжемнің сандығы- мұнда көптеген  қызықты құпия жасырылған. Әжесінің немересіне көнеден келе жатқан заттарды анықтауға көмектесу қажет және осы заттардың атауын анықтап, не үшін қажет екенің айту керек болды.
• Жаңа құрылыс- мұнда жас құрылысшыларды құрылыс мамандығына дайындады , олар Мұражай қалашығының архитектуралық жаңа нысандарын қалады.
• Стадион - күш сынау, жылдамдыққа, төзімділікке тексеру.
• Арт –студия – Мұражай қалашығының мерейтойына арнап балаларсурет салып, сыйға тартты.
• Достық мозаикасы- сулы бояулар арқылы  барлық қатысушылар жұмылып жерде әсем панно салды.
• Құпия нысандар алаңы - сиқырлы қорапшаларда мұражайжәдігерлері жасырылған, оны алақанымен сезініп, не жәдігер екенін анықтады.

Мұражай қалашығына 1000-нан астам адам қатысты.