Сергей Чеченов - қарағандылық суретші- мүсінші, ҚР суретшілер Одағының мүшесі. Көрмеде авторлық туындылар жинағының 35 астам кішігірім мүсіндері көрсетілді. Бұл бірнеше жылғы жұмыс нәтижесі. Негізінен қола мен ағаштан жасалған анималистикалық мүсіндер.

Көрмеде мүсіндермен қатар суреттер мен жұмыс барысындағы эскиздерде ұсынылды. Эскиздермен жұмыс - бұл мүсінші жұмысындағы бастапқы кезең. Сонымен қатар, болашақта металлдан жасалатын мүсіндердің макеті көрсетілді. Олар қатты қағаздан жасалған.

Экспозияға енбеген жұмыстарының суреттері де көрмеден орын алды.

Жеке көрмесінің ашылу салтанатына қаламыздың фотосуретшілері мен суретшілері, Қарағанды қаласының  зиялы қауымы мен сәулетшілері және басқа да қонақтар қатысты.