2018 жылдың 18 сәуірінде Теміртау тарихи-өлкетану музейінде «Қазақстан Магниткасы – бүкілодақтық екпінді комсомол құрылысы» тақырыбында  интерактивтік тарихи қайта жаңғыру өткізілді.

Алғаш рет Қазақстан Республикасы мен Теміртау қаласының тарихы қайта жаңғырды. 1958 жылы сәуірде БЛКЖО 13 съезінде Қарағанды металлургиялық зауытының құрылысы Бүкілодақтық екпінді комсомол құрылысы деп жарияланды! Мыңдаған қыздар мен жігіттер комсомол үндеуіне құлақ түріп, Кеңес Одағының түкпір-түкпірінен Қазақстандық Магниткаға жол тартты. Жас құрылысшылардың күшімен жас қала мен республикамыздың қара металлургия алыбының кірпіші қаланды, бұл жағдай қала тұрғындарының ұлттық құрамының сан-алуан болуына себебін тигізді, Президент Н.Ә.Назарбаевтың еңбек жолының бастамасына айналды.

Реконструкцияның алғашқы қатысушылары 1950-шы жылдарға тап болып, өздерін Қазақстан Магниткасының құрылысшыларындай   сезінді. Қорда сақталатын суреттер және бейне материалдарға сүйене отырып, музей қызметкерлері бес тарихи аймақ: "Комсомол комитеті", "Хрущевка", "Шатырлы қалашық", "Құрылыс алаңы" және "Жазғы кинотеатр". Бір экскурсияның барысында музейге келушілер 1950-шы жылғы комсомол жастарының жолымен жүріп өтті: комсомолдық жолдама алып, жолға шабадан жинап, шатырлы қалашықта орналасып, жаңа маман иесі атанып, социалистік жарыстарға қатысып, жазғы кинотеатрға барып демалады. Оқиғаның қайта жаңғыруында музей жәдігерлері мен 1950-шы жылдардағы Теміртаудың тарихи хроникасы қолданылды!

Тарихи қайта жаңғыруда колледж студенттері мен БАҚ өкілдері қатысты.