2023 жылғы 16 қарашада Теміртау тарихи-өлкетану музейінде мерейтойлық музей мерекесінің аясында «Музей үштігі» атты көрменің ашылуы өтті.

 Көрмеге қатысушылар-Теміртау тарихи-өлкетану музейінің үш қызметкері, үш шығармашылық тұлға:

* бас суретші-дизайнер Мұстафина Хайниса Рахымжанқызы. Кәсіби суретші, Қазақстан Республикасы Дизайнерлер Одағының мүшесі. 2001 жылдан бастап музейде жұмыс істейді

* музейдің қор бөлімінің меңгерушісі Дүйсембаева Айжан Амангелдіқызы. Музейде 2021 жылдан бері жұмыс істейді.

* музейдің суретші-дизайнері Трушкова Анна Михайловна. Музейде 2021 жылдан бері жұмыс істейді.

Қатысушылардың әрқайсысы өнердің белгілі бір бағытында өз шығырмашылығын ұсынды. Көрмеде көркем суреттер, графикалық суреттер, линогравюра, офорт, аралас техника жұмыстары, мүсіндер бар.