22 сәуірде сағат 12.00- де Теміртау қалалық тарихи-өлкетану мұражайында Мәдени мұра мемлекеттік бағдарлама аясында «Дыбыстар әлемінде» атты халық аспаптар көрмесі ашылды.
Экспозицияда әр түрлі халықтардың ұлттық аспаптары ұсынылды. Оның негізін Ғ. Жұбанова атындағы өнер мектебінің оқытушысы А.И. Туровскийдің жеке музыкалық жинағы мен мұражай қорында сақталатын музыкалық аспаптар құрады. Музыкалық аспаптардың ішінде сан жағынан озып тұрған қазақ халқы мен орыс халқының музыкалық мәдениеті. Өте қызық әрі көне аспаптар да бар. Мысалы понтий лирасы немесе кеменче, ежелгі даң, цимбалы. Музыка мәдениеті арқылы келушілер Теміртау қаласында тұратын түрлі ұлттардың тарихы мен салт –дәстүрлерімен танысты.