26 тамыз күні сағат 12.00-де Теміртау қалалық тарихи-өлкетану мұражайында ҚР Конституциясының 20-жылдығына орай «Ата Заң әліппесі» атты іс-шара өтті.

Экспозицияда бірліктің темірқазығына айналған, ең негізгі құндылық – Ата Заң ойларын жүзеге асыратын мұрағат құжаттары, фотосуреттер қойылған.

Ата заң ойларының қайнар бастаулары XV - XVIII ғасырлардағы "Қасым ханның қасқа жолы", "Есім ханның ескі жолы" және Тәуке ханның "Жеті жарғы"атты заңдарында көрініс алды. Алайда, заман ағымына қарай айрықша орын алатын Алаштың Конституциясы (жоба) болған.

Экспозицияда Алаш-Орданың петициясының көшірмесі қойылды. Экспозицияны Қазақстанның конституциясының тарихы жайлы ақпараттар толықтырды, ол кейінгі бес рет жазылған Конституция, оның ішінде соңғы 1995 жылы қабылданған Конституцияда бар – ол 9 бөлім мен 98 баптан тұратыны жазылған. Іс-шараға № 5516 әскери бөлімше қызметкерлері қатысты.