• Абай Құнанбаевтың 170 жылдығына арналған, қала кітапханаларымен бірге ұйымдастырылған «Құлақтан кіріп бойды алар» атты экспозиция.
6 тамызда сағат 12.00 Теміртау қалалық тарихи-өлкетану мұражайында Абай Құнанбаевтың 170 жылдығына арналған, қала кітапханаларымен бірге ұйымдастырылған «Құлақтан кіріп бойды алар» атты экспозиция ашылады.
Экспозицияда сіздер ақынның өмірі мен шығармашылығы туралы фотоматериалдарды көре аласыздар. Бірінші бөлім оның әдеби қызметінің көздеріне арналған. Экспозициялық көрмеде ақын туралы жазылған кітаптар, журналдар мен газет материалдары келтіріледі. Екінші бөлім бұл Абайдың еңбектері: өлеңдер жинағы, шығармалары мен поэмалары. Ең танымалы ақын, ойшыл, сазгер –Абай Құнанбайұлының шығармашылық мұрасын баяндайтың «Қара сөздері», қазақ және орыс тілдерінде келтірілген. Абай өмір сүрген дәуірге толық ену үшін зал экспозициясын қазақтың сәндік-қолданбалы заттары бар «Киіз үй» бөлімімен толықтырылған.
• Абай Құнанбаевтың 170 жылдығына арналған «Әлемге танылған Абай» атты іс-шара.
6 тамызда 14.00 Теміртау қалалық тарихи-өлкетану мұражайында Абай Құнанбаевтың 170 жылдығына арналған «Әлемге танылған Абай» атты іс-шара өткізіледі.
Абай бұл тек қана қазақ халқының ғана емес, ол әлем әдебиеті үшін де феноменалды тұлға.
Сіздер ұлы қазақ ақыны, шебер ойшыл, дарынды сазгер, қазақ жазба әдебитінің негізін салушы Абай Құнанбаевтың өмірбаянымен, шығармашылығымен танысасыздар. Оның балалық шағынан бастап, отбасымен және ақын өмір сүрген дәуірі туралы ақпарат аласыздар. Сонымен қатар ұлы қазақ ақынының дүниетанымының қалыптасуына әсер еткен адамдар мен тұлғалары туралы да білесіздер.
Көрмеде ұйымдастырылған кітаптар арқылы сіздер оның шығармашылығымен танысып, поэзиясы және ең танымал шығармасы «Қара сөздерімен» танысып, Абай Құнанбаевтың жазған өлеңдерін тыңдай аласыздар.