26 қазан сағат 16.00-де Теміртау қалалық тарихи-өлкетану мұражайында «Сегіз қырлы, бір сырлы» атты іс-шара өткізіледі.
Бұл шара қазақтың ұлы ғалымы, ағартушы-демократ Ш.Уәлихановтың 180 жылдық мерейтойына арналған. Шара барысында Ш.Уәлихановтың өмірі мен таңғажайып құпияға толы Азияның зерттеулері жайлы ақпарат береміз.
Шараға қосымша ретінде «Ш.Уәлиханов – дара тұлға» атты экспозиця ашылады.
Экспозицияда Ш.Уәлихановтың Қазақстан және Орта Азия бойынша жүргізген зерттеулерінің көшірмелері, ғалымның мұрағатынан алынған суреттері қойылған. Теміртау қаласының суретшісі А. Осипенко салған Ш.Уәлихановтың суреті қойылады. Ш.Уәлихановтың суреті бейнеленген, құны 10 теңге ұлттық валюта койылады. Ш.Уәлихановтың «Қозы-Көрпеш пен Баян-Сұлу» поэмасынан үзіңді оқылады.