19 тамыз сағат 16.00- де Теміртау қалалық тарихи-өлкетану музейінде Қазақстан Республикасы Тәуелсіздігінің 25-жылдығына арналған «Атамекен» ҚР шығармашыл жастардың 1-ші Теміртаулық тәуелсіз көрмесі ашылады. Көрмеге халықаралық, республикалық, облыстық, қалалық байқаулардың лауреаттары, Дельфий ойындарының, халықаралық өнер аптасының жеңімпаздары қатысады.
Көрмеде сіздер 40-тан астам өнер туындыларын тамашалай аласыздар: дизайнерлік жұмыстар, квиллинг техникасы, батик, пейзаж, натюрморттар, портреттік жұмыстар және т.б. Көрмеге қатысушылар сегіз қырлы, бір сырлы жастар, олар көрермендерге арнап тосын сый дайындады. Көрменің ашылуына Теміртау қ. «Жас Отан» жастар қанатынан жастар шақырылды.