Мемлекеттік сатып алулар

бағдарлама

Іс-шаралар

мерзімі

Халық тарих ағымында

«Ақ халатты жандар» экспозициясы Теміртау қаласындағы алғашқы емхананың ашылу тарихы, амбулаторлық-емханалық қызметтің дамуы туралы. Өткен ғасырдағы бірегей фото- бейне- құжат деректері, медициналық инструменттер мен жабдықтар, медициналық карточкалар және т.б. қаламыздың атаулы дәрігерлері мен қарапайым келушілер үшін нағыз сыйлық болды. 

8 қаңтар

Қарағанды қаласының  80 жылдығына

Облыстық көркем өнер мұражай қорының «Алтын есімдер» көрмесі ашылды.
Көрмеде еліміздің көркем өнер саласына ауқымды үлес қосқан белгілі қазақстандық Айша Галимбаева, Евгений Сидоркин, Николай Хлудов, Әубәкір Исмаилов, Үке Әжиев сияқты шеберлерінің шығармалары қойылды.
Қарағандылық көркем сурет мектебінің шығармашылығы кеңінен танытылды. Олар Қазақстан мен Қарағандының алтын қорына енген В. Крылов, П. Антоненко, С. Саносян, П. Андреюк, Г. Гилевский.
Қуғын-сүргінге ұшыраған есімдері әлемге әйгілі В. Эйферт, А. Чижевский, Г. Фогелер, Р. Граббе сияқты суретшілер ерекше атап өтілді.
Көркем сурет пен графикадан басқа көрермендер А. Билык, А. Болюх, Ю. Гуммель, О. Абеуов сияқты мүсіншілердің шығармашылығын да тамашалады.

17 қаңтар

«Мәдени мұра»

Теміртау қаласының құрметті азаматы, ҰОс ардагері, суретші М.С. Подлесныхтың 90 жылдығына арналған мұражай қорындағы суреттерден мерей тойлық көрме ашылды. Бұл суреттердің көбісі өткен ғасырдың 50-90-шы жылдары жазылған. Олар шексіз Сары Арқа даласының көркемдігін бейнелейді. Көптеген суреттері Қарағанды металлургиялық комбинатына арналады. Көркем сурет шығармашылығының барлық қыр-сырын жетік меңгерген шебер, бүгінде егде жасқа келген, сол себептен де бүгінде сүйікті ісімен айналыспайды. Теміртау қаласының тарихын бояу арқылы жеткізген суретшінің мол қазынасы өлкетану мұражайы мен дәріс алған оқушыларында мәңгі сақталып қалмақ.

22 қаңтар

 «Мәдени мұра»

«Зергерлік көрме» зергер өнерінің көрмесі Халықаралық зергерлер күніне арналған. Қарағанды және Теміртау қалаларының жеті зергер өнерінің шеберлері қатысты. Олардың көбісі Халықаралық зергерлер сайысының жеңімпаздары- Александр Цехмайструк, Геннадий Мокрушин, Александр Жуков.   Көрмеде шеберлердің алтыннан, күмістен, мельхиордан жасалған авторлық жұмыстары көрсетілді. Бұл жерде зергерлік бұйымдардың жасалуының түрлі техникасы мен әдістері кеңінен танылды.
Экспозицияның бір бөлігі «Зергерлік өнердегі тастар» деп аталды. Бұл тақырыпта өздерінің минералдар жинағын Құсаинов Жанболат пен Клевцов Сергей ұсынды. Олардың жинағында ТМД-ның түкпір-түкпірінен жиналған минералдар орын алады – ақық тас, күлгін тас, асыл тас, малахит, анартас, су тас…
Мұражай қызметкерлері өз жағынан бұл көрмеге толықтыру енгізді. Зергерлік бұйымдарды жасау кезінде қолданатын құрал –жабдықтарды толығымен көрсетті.

24 қаңтар

Отаншылдық тәрбие

КӘЖК-нің Ауған жерінен толық шығуының 25 жылдығына арнайы «Менің Ауғаныстаным...» атты экспозиция
Бұл экспозиция біртұтас әскери бекіт түрінде жасалды. Төбеге әскери жорықта қолданатын тор тартылып, астында бес жүзге жуық жәдігерлер орналастырылды: хаттар, фотосуреттер мен құжаттар, әскери марапаттар, әскери киімдер мен қару-жарақтар, бұл жәдігерлердің барлығы ауған соғысына тікелей байланысты. Соғыста қаза тапқан жандардың суреттері мен құжаттары ерекше көрсетілді. Сонымен қатар басты әскери операциялар, мәлімет стендтері, соғыс әрекетінің көріністері де шет қалмады. Бірінші рет Ауған соғысы осыншама кең ауқымда көрсетіліп, елге танытылды. Экспозицияда Ауған соғысындағы біздің жігіттеріміздің тұрмыс тіршілігін сипаттайтын «Жылжымалы медициналық пункт» құрылды.
  Ұсынылған экспозиция жас жеткіншектермен интернационалист –жауынгерлердің кездесуіне ерекше әсер етті. Жастар сұрақтарын қойып, жауынгерлер ерекше толқып жауап беріп, тамаша кеш болды.

14 ақпан

 2050 Бағдарламасы

Теміртаулық суретшілерді есеп беру көрмесі «Арт - Береке».. Қаламыздың суретшілерінің шығармашылық жұмысының қорытынды нәтижесін көрсету дәстүрге айналды. Бұл көрмеде соңғы жылы салынған жаңа суреттер қойылды. 
Көрмеге Қазақстан Республикасының суретшілер Одағының мүшелері атаулы суретшілер- Александр және Надежда Болюх, белгілі суретшілер, «Т-Арт» клубының мүшелері - Юрий Пильтихин, Елена Малецкая, Александр Литвинов, Наталья Пашкова, Валентин Лазариди, сонымен қатар Ғ. Жұбанова атындағы өнер мектебінің көркем сурет бөлімінің оқытушылары қатысты. Барлығы 21 суретші қатысты.Бұл көрме теміртаулық суретшілердің жан-жақты шығармашылық ерекшелігін танытты. Сурет өнерінің түрлі техникасында жасалған бұл көрме келушілерге зор әсерін тигізді.

21 ақпан

8 наурыз Халықаралық әйелдер күніне арналған

«Ридикюльдан жариялама» инсталляциясы. Әйел адамының өмірін сөмкесіз елестету мүмкін емес. Олар үшін сөмке екінші «Мен». Сөмкенің ішкі әлемінен өткен құпиялы да жұмбақ зат жоқ шығар. Өзінің иесі туралы да көп мәлімет бере алады. Бір ай бойында мұражай қызметкерлері мұражайға келген әйел жандарының сөмкесін, оның ішіндегі заттарды суретке түсіріп алуды өтінді. Осылай үйдегі әйел мен іскер әйелдің сөмкелерінің айырмашылығын да біліп алдық. Қызметіне қарай сөмкенің ішіндегі заттар да сәйкес келеді екен. Бұл суреттердің барлығы экспозицияда орын алды.
Ең қызығы бұл жәдігерлер. Өткен ғасырдағы әйел сөмкелері мен кішкентай қыз балалардың сөмкелері, сонымен қатар  «Помпадур», «Шанель 2.55», «Kelly»,  «Birkin» әйгілі сөмкелер де қойылды. Осы экспозицияның арқасында 50-ші, 80-ші жылдардағы, ХХ ғасырдағы және заманауи әйелдердің сөмкелерінің айырмашылығын жақсы біліп қалдақ.

28 ақпан

Отаншылдық тәрбие

«Партиялық хроника» экспозициясы ашылды.
Теміртау қалалық тарихи-өлкетану мұражайында сақталған сурет- құжат материалдары арқылы «Нұр Отан» ХДП құрылу тарихын, маңызды кезеңдері мен жасалған іс шаралары туралы, алға қойылған мақсаттары мен мүделері туралы толық баянды да мазмұнды экспозиция құрылды.

«2006 - 2016 ж арналған ҚР гендерлік тепе-теңдік стратегиясы»

Облыстық көркем өнер мұражайына халықаралық әйелдер күніне арналған көшпелі экспозиция «Әйелдер анатомиясы»
8 наурыз қарсаңында мұражай қызметкерлерін осы әйелдер неден жасалды екен деген сұрақ мазалады. Ойлана келе жауабын тауып, қарағандылық әйелдерге сыйлық тарту етуді ойластырды. Нәтижесінде «Әйелдер анатомиясы» атты экспозиция туындады. Түрлі тарихи кезеңдерге жататын қор экспонаттарының көмегімен  әйелдің 4 қырын көрсетті: Үй шаруасындағы әйел, Мектеп оқушысы, Іскер әйел және Романтикалық әйел.

6 наурыз

Жастар саясаты

«Сплав» халықтық фотоклубының есеп беру көрмесі «Біздің күндеріміздің матрицасы». Он бір жыл бойы наурыз айында фотоклуб өзінің жылдық жұмысын қорытындылай келе  мұражайда есеп беру көрмесін өткізу дәстүрге айналды. Көрмеге қатысушылар кәсіби фотосуретшілер, әуесқойлар, жаңадан осы өнерді меңгеріп жүрген жандар. Бүгінгі күнде бұл фотоклубта жастар өте көп, олар өз қатарынан жаңа толқын енгізіп, жұмыстарын жаңаша, заманға сай жүргізуде. Бұл жерде табиғат пен қалалық көріністер, әлеуметтік мәселелер тақырыбындағы суреттер көруге болады. Суреттер түрлі жанрларда жасалып, көз тартып, қызықтырады.

14 наурыз

 «Мәдени мұра»

Интерактивтік экспозиция «КСРО-да жасалған». Кеңес Одағының 70- жылдық тарихы мыңдаған кеңестік берді: үрей ұшыратын («НКВД», «ұжымдастыру»), мақтаныш сезімін оятатын («комсомолдық құрылыс», «тың игеру»), таңдандыратын да заттар бар («авоська», «жүктеме»). Әрбір кеңестіктің артында адамдардың өмірін баяндайтын тарих жатыр.
Комсомолдық жолдама, соцжарыс және үгіттеп насихаттау деген не? Неге Петровичтің шамы демейміз, Ильич шамы дейміз? Неге пакеттерді жуып кептірген, макулатура жинаған? Пионерлер Үйінде неге мәңгілік тіркеуге отырған және балық күні қайдан, қашан шыққан?  Осы  және басқа да сұрақтарға «КСРО-да жасалған» экспозициясы толық жауап береді.

31 наурыз

«Мәдени мұра»

Қазақстан халықтарының бірлігі мерекесінің қарсаңында қалалық тарихи – өлкетану мұражайы 21 сәуірден бастап «Ұқсамастар бірлігі» атты интерактивтік экскурсиялар жүргізді. Бір аптаға мұражай
Этноқалашыққа айналды. Қонақтарды бұл жерде Кореядан, Ресейден, Үндістаннан келген және қонақжайлы қазақ халқының жарқын жүзді бәйбішелері қарсы алды:
Этнокиізүйде  Шебер Әйел басқұр жасау өнерімен таныстырды;
үнділік Этноүйде келушілерді сари жасайтын шебер қарсы алып, сариді қалай дұрыс кию керек екенін үйретті; 
орыс халқының  Этноағашүйінде қонақтарды Марья-искуссница күтіп алып, ұршықтың көмегімен жіп иіруді үйретті;
корей халқының үйі – Этноханок - иесі сонсэн-ним, ол грамматика мұғалімі болғандықтан иероглифтарды дұрыс жазып үйрену сабағын жүргізді.

30 сәуір

Халықаралық жер күніне арналған «Арселор Миттал Теміртау» БЖО-ның шығармашылық студиясының «Әлем саусақ ұшында» атты көрмесі ашылды. Көрмеде 4 жастан 18 жасқа дейінгі балалардың әр-түрлі сурет, живопись, аппликация техникаларында жасалған шығармашылық жұмыстары көрсетілді. Саздан ауқымды фигураларды қолдана отырып, түрлі материалдардан жасағалған коллаждар ерекше назар аударды. Сонымен қатар, келушілер сазбен пластилиннен жасалған кішігірім формадағы мүсіндермен, газетпен сымнан өріп тоқылған заттармен танысты.

27 сәуір

Мемлекеттік мереке

Отан қорғаушылар күніне арналған «Запастағы ер-азаматтар» экспозициясы ашылды. Идеялық мазмұны - ер-азаматтың бейнесінің «екі қырын»: отан қорғаушы (армиядағы әскери қызметі) және кейіннен әскери запастағы кезеңін көрсету болды. Экспозиция үш бөлімнен құралды: даярлық кезінде мұражай қызметкерлері теміртаулық әйелдер арасында сұрақнама өткізді, соның қорытындысы бойынша әйелдердің 85 % өз ерлерінің диванда жатқанын көреді екен. Сондықтан да экспозицияның бірінші бөлімінде –орталығында – диван, оның үстінде, төбеде, әрқашанда ерлерге негізгі міндетін еске салып тұратын, әскери киім ілінді. Диванда «Кенет соғыс басталып кетсе ше, ал мен болсам шаршағанмын...» деген жазу. Ол ер-азаматтардың әйелдерге берген жауабы.
Экспозицияның екінші бөлімінде атқаратын кәсібі арқылы қаламыздың елеулі ер-азаматтары көрсетілді. Олардың кәсіби киімдері, суреттері – темір профильдерде қойылды, ол мінезі мен рухының темірдей қатты екенін білдіреді. Бұл жерде металлург, өрт сөндіруші, сүңгуір, құрылысшы, дәрігер және интеллигент сияқты кәсіптер.
Үшінші бөлім ер-азаматтардың әуесқойлығы туралы әңгімелейді. Гаражға кіргендей боласыз: балық аулаушы мен аңшының құрал жабдықтарын, автомобиль бөлшектерін және т.б. көре аласыз. 

4 мамыр

ҰОС Жеңіс күніне

«Ардагерлерге құрмет» инсталляциясы Қарағанды облысының әкімі Б. Әбдішевтің ұйымдастыруымен «Космонавт» қонақ үйінде Қарағанды облысының ҰОС ардагерлерін құттықтау салтанаты.  

5 мамыр

Халық тарих ағымында

Кеңес Одағының батыры Нүркен Әбдіровтің 95 –жылдығына арнайы «Мәңгілікке шаншыла құлдырау» естелік блогы. Мұражайда көптеген тарихи тұлғаларға қатысты экспозициялық материалдың жоқтығынан, мұражайдың орталық қабырғасында ақпараттық стенд жасауға мәжбүрміз. Суреттік таспа түрінде жасалған «» Тарихи естелік таспада» жыл бойында атап өтілетін мерейтойлық немесе атаулы күндерге арналған ақпарат ілінеді. Осының арқасында жыл бойы аталып өтетін елеулі оқиғалардың көбісін көрсетуге мүмкіндігіміз бар.    

8 мамыр

Мемлекеттік мереке

Қазақстандық отбасылар күніне «Мерейлі отбасы» атты ұлттық сайыс аясында «Әлем» БЖО –да «Отбасылық құндылықтар» фотокөрмесі ашылды. Көрмеде спортт, еңбек, шығармашылық жағынан ең үздік теміртаулық отбасыларының мұрағаттық суреттері ұсынылды. Бұл іс-шараның мақсаты отбасылық институтты, адамгершілікті, руханиятты нығайту, отбасылық құндылықтарды арттыру. Қазақстандық отбасының жағымды бейнесін насихаттау.

15 мамыр

«Мәдени мұра»

«Айтыңызшы, сағат қанша?» мұражай қорының және қала тұрғындарының жинағынан құралған экспозиция. Бұл экспозицияда мұражай қорына соңғы 10 жылда келіп түскен сағаттар жинағы көрсетілді. Олардың ішінде швейцарлық Gustav Becker фирмасының 1905 жылы жасалып шығарылған сағаты сияқты бірегей жәдігерлер де бар. Сонымен қатар 50-90 жылдармен заманауи қабырғалық, қалталық, қол сағаттар ұсынылды. Экспозицияның бір бөлігі, көрменің ашылуына бір ай қалғанда жарияланған «Тарихы бар сағат» сайысына, тұрғындар әкелген сағаттарға негізделді. Сайыс нәтижесі экспозицияның ашылу салтанатында жүргізілді, жеңімпаздар марапат қағаздары мен сыйлықтарға ие болды.   

17 мамыр

Стратегия 2050

«Түрлі - түсті палитра» Ғ. Жұбанова атындағы Өнер мектебі оқушыларының мерейтойлық көрмесі. Көрмеде өткен оқу жылының ең үздік оқушыларының шығармашылық жұмыстары орын алды. Тұңғыш рет 2014 жылы шыққан мектеп түлектерінің дипломдық жұмыстары қойылды. Флористикалық композиция, кішігірім формадағы мүсіндер, батик, коллаж, графикалық суреттер, барлық жоғы 60-тан астам. Көрменің ерекшелігін, қайталанбас өрнегін, көркемдік бағасын арттырған дәл осы техникалар мен әдістердің сан алуан түрлері болды.

30 мамыр

Халық тарих ағымында

«Тоталитаризм менің отбасымның тарихында» атты Теміртау қалалық мұражайы өткізген акцияның нәтижесінде жиналған қала тұрғындарының естеліктерінің негізінде құралған, саяси қуғын-сүргіннің құрбандарын еске алу күніне арналған «Ұрпақтардың айтуынша...» экспозициясы ашылды.
Асығыста жасалған төсек сәкілері бар мал вагондары қазақстан даласымен соңы көрінбес таспадай тізіліп өте берді. Сәкілерде - адамдар емес –  «немістер», «кәрістер», «шешендер», «ҚК 58 бабы», «Ұлы жұт» деген биркалар жапсырылған қаптар, үкіметтің бұйрығымен бір сәтте «халық жауы» бола қалғандар. Ондаған жылдарды араға салып, көз жасын бір сығып алып, сол қайғылы кездер көз алдынан өтіп барады. Жүрекке қаяу түсіретін естеліктер, бүгінгі ұрпақтардың- балалар мен немере –шөберелердің қайыстай қолымен жазылып отыр. Балалары жазып тапсырған, Сталиндік қуғын-сүргінді басынан өткізген аталарымыз бен әжелеріміздің естеліктері   «Тоталитаризм менің отбасымның тарихында» деп аталатын арнайы кітапшада басылып шығарылды.  

29 мамыр

Бүкіләлемдік тоқымашылар күніне

Бүкіләлемдік тоқу күніне арналған «Ілмектер мен ілгектер» атты теміртаулық шеберлердің сәндік –қолданбалы шығармашылығының көрмесі ашылды. «Теміртаулық дарындар» жобасының аясында мұражай бірінші рет тоқымамен айналысатын жандардың шығармашылығын ұсынып отыр. Қатысушылардың арасында кәсіби айналысатындарда, әуесқойларда бар. Көрмеде қойылған заттардың басым көпшілігі эксклюзивтік заттар – декоративтік сағаттар, ойыншықтар, әшекейлер мен көркемдік паннолар, түрлі киім ұлгілері. Көрмеге қатысушылардың жас шамасы әр-түрлі: мектеп оқушылары, зейнеткерлер мен мүгедектер те бар. «Әлем» БЖО-ның «Көңілді ілмектер» атты шығармашылық шеберханасының мүшелерінің жұмыстарын да осы көрмеде көруге болады.

5 маусым

Медицина қызметкерлерінің күніне

 «Игілікті кәсіп» атты экспозиция ЖКТ холлында ашылды. Мұражай қорында сақталатын жәдігерлер мен фотосуреттер арқылы Самарқанд поселкесінің, кейіннен Теміртау қаласының денсаулық сақтау саласының тарихын баяндайды.

13 маусым

бағдарлама

Іс- шаралар

Мерзімі

2050 стратегиясы

«Теміртау ҚР Тәуелсіздігі жылдарында» залында «Қазақстандық жол -2050: Бір мақсат, бір мүдде, бір болашақ» атты дөңгелек үстел және ақпараттық блок ашылды. 
Дөңгелек үстелге қатысушылар стратегиялық құжатта көрсетілген мақсаттардың жүзеге асырылу жоспары туралы әңгімеледі. «Халық тағдырында, әлеуметтік- экономикалық және рухани үрдістердегі мемлекеттік өзгерістерде Президент ұсынған «Мәңгілік ел» ұлттық идеясы ерекше орын алады. Талқылау барысында дөңгелек үстелге қатысушылар Ел басының Жолдауындағы басты бағыттарға көп көңіл бөлді, «Қазақстан -2050» стратегиясында белгіленген еліміздің әлеуметтік- экономикалық модернизациялау жолының негізгі кезеңдері мен нұсқаларын айқындады. 

21 қаңтар

«Мәдени мұра»

Халықаралық зергерлер күніне арналған «Ұста, дархан, шебер» іс- шара өткізілді.
Бұл іс- шарада қазақ халқының зергерлік салт –дәстүрімен танысты. Зергерлік бұйымдарды тағудағы әлеуметтік, аймақтық және жас шамасына қарай айырмашылықтары туралы әңгімеленді. Зергерлік бұйымдардың жасалу түрлері мен әдістерімен танысып, зерделеу техникасын меңгеріп көрді. Іс- шара барысында мұражай қорындағы көне зергерлік бұйымдарды және заманауи қазақ зергерлерінің бұйымдарын тағып, қыздар сән үлгісін көрсетті.  

31 қаңтар  

Халық тарих ағымында

Самарқан елді мекеніне 105 жыл толуына орай «Дала аңызы» атты іс- шара өткізілді. Самарқан елді мекенінің тұрғындары кім болды, олардың тағдырына, елді мекеннің тағдырына ел мен әлемде болған оқиғалар қандай әсерін тигізгені туралы іс-шарада әңгімеленді.
Қонақтар, оқушылар Теміртау мұражай қорында сақталған, осы уақытқа дейін жарық көрмеген құжаттармен танысып, Самарқан елді мекенінің тарихын тізбектеп жинап жалпы көрініс алды.

20 ақпан

Отаншылдық тәрбие

Ақпараттық акция «Ауғанстан – жазылмайтын жара…», КӘЖК-нің Ауған жерінен толық шығуының 25 жылдығына арналды.
 Қаладағы оқу орындарында мультимедиялық экскурсиялар жүргізілді, экскурсия барысында ақпараттық кітапшалар таратылды. Акцияның соңында өткізілген іс-шараның қаншалықты нәтижелі екенін көру үшін сұрақнама жүргізілді.

14 ақпан
3-15 ақпан аралығында

Күнтізбелік мерекелер

Бүкіләлемдік экскурсоводтар күніне арнайы мұражайда  «Мусейон» жобасы іске қосылып экскурсоводтар клубы ашылды. Бұл клубтың құрамына туған өлкесінің тарихын білгісі келген, мұражай ісіне қызығушылық танытқан политехникалық колледждің оқушылары кірді.

21 ақпан

«Мәдени мұра»

«Ұлттық дәстүрлер» атты ғылыми –зерттеу жобасының аясында Наурыз мерекесіне арналған «Тойқазан» іс- шарасы өтті. Қонақжайлық қазақ халқының ерекше бір қасиеті. Ойлап қарасаң, бұл да бір ережелер мен қағидаларды талап етеді екен. Қазақ халқының дастархан басында жасалатын, басқа халықтардан ерекше, өзіндік әдет- ғұрыптары көп екен. Іс-шарада қонақжайлықтың егжей- тегжейімен таныстық: қалай шәй құю керек, қалай ұсыну керек екені, малдың басын кім ұстайды, кім бөледі, кімге не беріледі. Қалыңдыққа құда түсіп келгенде күйеу жігітке малдың қай мүшесі ұсынылады. Қазақтың қонақжайлығы біраз адамды таңдандырды.

20 наурыз

Отаншылдық тәрбие

Ғарышкерлер күніне және Ю. Гагариннің 80 жылдығына арналған «Мәңгілік жолындағы айналым» атты іс-шара өткізілді. Бұл іс-шараға адамның алғаш рет ғарышқа ұшуы туралы баяндайтын фотоматериалдар мен жәдігерлер арқылы экспозиция жасалды. Өткізілу барысында Ю.Гагариннің ғарышқа ұшу дайындығы туралы түсірілген деректі фильмдер көрсетілді. Интерактивті мультимедиялық экскурс арқылы қатысушылар ғарышкердің өмірбаянымен танысты. Ғарышкерлердің ғарышқа ұшу дайындығы, салмақсыздық туралы балаларға түсінікті болу үшін, ойындар арқылы жеткізілді.

11 сәуір

Отаншылдық тәрбие

«Ғылым жолындағы өмір», Қазақ КСР Ғылым Академиясының алғашқы президенті, геолог, ғалым Қ.И. Сатпаевтың 115 –жылдығына арнайы ашық іс- шара өткізілді.
Республикамыздың қара металлургия орталығы болады деп Теміртау қаласының тағдырын шешкен, Қазақстанның өнеркәсіп пен ғылымының қалыптасуына елеулі үлес қосқан ғалымның сан-қилы өмірі, ғылымға деген құштарлығы, Отанына адалдығы, дарыны жас теміртаулықтар үшін үлгі болды. Іс- шара қонақтары ғалымның өмірбаянымен ғана танысып қоймай, теміртау мұражайында сақталатын Қазақстанның пайдалы қазбалар үлгілерін, геолог құралдарын өз қолдарымен ұстап көруге мүмкіндік алды.

15 сәуір

Күнтізбелік мереке

Халықаралық кітап және авторлық құқық күніне арнайы қала кітапханаларымен біріге «Кітаптар салтанаты» атты іс –шара ұйымдастырылды. Іс –шара мақсаты Қазақстан республикасының тәуелсіздігі кезеңіндегі жарық көрген кітапхана қорындағы кітаптармен балаларды келесі тақырыптар бойынша таныстыру:
Менің Қазақстаным
Туған өлке табиғаты
Шығармашылық және тұлға
Ертегілер әлемінде
Ақылды кітаптар
Пайдалы кеңестер
Әрбір тақырыпқа мұражай қорының жәдігерлерінен «жан біткен кітап беттері» атты инсталляция жасалды.
Үлкен көрме залы, кітапхана қорын бейнелейтін, жеті тақырыптық блокқа бөлінді. Балалар оқырмандар билетін алып, жәдігерлер арқылы кітап басылымының тарихымен танысты. Әрбір интерактивтік зонада дамыту бағытындағы танымдылық ойындар ойналды.
Іс –шара соңында балаларға қалалық кітапханалардың мекен-жайы, телефондары жазылған визиткалар таратылды. Жеңімпаздар естелік сыйлықтармен марапатталды.   

22 сәуір

ҰОС-ның 70-  жылдығын тойлау бағдарламасы

Екінші Дүниежүзілік соғысының басталуының 75 жылдығына орай «Өркениет қылмысы» атты ашық іс-шара.
Теміртау жастарымен ХХ ғасырдың 30-40 жж елшілік өзгерістер, Еуропа картасындағы өзгерістер, фашизмнің идеологиясының жайылуы, Екінші Дүниежүзілік соғыстың басталу себептері туралы әңгіме қозғалды. Мұражайға келушілерге сол жылдардың қарамақайшылыққа толы оқиғалары көрсетілген ақпараттық блоктардан тұратын экспозиция жасалды.

6 мамыр

Кәсіби мереке

Халықаралық мұражай күніне арнайы іс-шара «Мұражай әліппесі».
Әліппе – әріптер жинағы, оны бәрі біледі. Біз келушілерге әріптерді еске түсіріп және мұражайлық көне жәдігерлер туралы мағлұмат алып ерекше әліппе - Мұражай әліппесін құрастұруды ұсындық. Әрбір әріпке сәйкес мұражай залдарындағы экспозицияда қойылған жәдігерлер таңдалды. Балалар қолдарына әріптер таблицасын алып, залдарды аралап, белгілі бір әріпке жәдігер іздеп тауып, сол жәдігер туралы ақпарат естіп, оның суретін қағаздағы сәйкес әріп орнына жабыстырды. Іс- шара нәтижесінде өздерімен бірге түрлі түсті, жәдігерлердің суреті жабыстырылған Мұражай әліппесін алып кетті.
Мұражай әліппесі бір күндік шара емес, ол жыл соңына дейін жалғыз келушілерге де, топпен келгендерге де айналысуға болатын тартымды, қызықты, танымдық іс-шара.

16 мамыр

Мәдени мұра

Қаламыздың көркем өнер мектептері мен студия оқушыларына «Мұражай жәдігері арқылы тарихтану» бағдарламасы. Тарихтану төрт блоктан тұрады. Әр блок үш сағаттан жұмыс істейді: «Туған өлке табиғаты» , «Материалдық мәдениет», «Рухани мәдениет» және «Қаланың назар аударатын тарихи орындары». Оқушылар мұражай экспозициясының тақырыбымен танысып, мұражай залында отырып, алған әсерлері бойынша, көз алдында тұрған мұражай жәдігерінің көркем бейнесін салады. Бағдарлама нәтижесі – сурет нобайларының көрмесі.

25 мамыр

Кәсіби мереке

Халықаралық мұражай күніне арналған қалалық мереке  «Тик, так - сағаттар»
Бұл мерекенің басты атрибуты - сағат. Мерекеге келген қонақтар ескі, раритеттік сағаттар экспозициясын тамашалады. «Тарихы бар сағат» сайысының нәтижесі жасалды. Мұражай алдында 9 шығармашылық алаң жұмыс істеді. Бұл жерде ойындар, сайыстар спорттық жарыстар өткізілді. Қалауынша әркімнің қатысуына мүмкіндік болды. Мерекеге арналып шәй дастарханы жайылды. Ән, күй, биге толы мерекеде «Әлем» БЖО-ның «Силуэт» сән театры өзінің дизайнерлік киім үлгілерін тамашалауға ұсынды.     

17 мамыр

Халық тарих ағымында

«Ұрпақтардың жанды байланысы» жобасының шеңберінде саяси қуғын-сүргін құрбандарын еске алу күніне арналып «Тоталитаризм қайғысы менің отбасымның тарихында» атты қалалық акция өткізілді.
Теміртаулық мұражай ұйымдастырған осы акцияның барысында тұтқындалғандардың, жер аударылғандардың – саяси террордың құрбандарының атынан олардың балалары мен немерелері сөйледі. Теміртау қаласының жас ұрпақтары өз отбасының тарихындағы жаппай қуғынға ұшырау қасіреті туралы баяндады.
Сталиндік қуғын-сүргінді басынан өткізген аталарымыз бен әжелеріміздің ұрпақтары жазған естеліктер   «Тоталитаризм менің отбасымның тарихында» деп аталатын арнайы кітапшада басылып шығарылды. 

30 мамыр

ҚР Мемлекеттік рәміздер күніне

Мектепке қарасты лагерь балаларына арналған «Қазақстандық одиссея» іс -шарасы. Бұл іс –шара интерактивті – танымдылық ойын түрінде өтті. Балалар Қазақстан еліне виртуалды саяхатқа аттанды. Еліміздің географиялық ерекшеліктерімен, тарихи оқиғалар тізбегімен, салт – дәстүрлерімен танысты. Саяхат барысында қатысушылар шығармашылық сайыстарға қатысып, интеллектуалдық тапсырмалар орындап жасанды тосқауылдар мен қиындықтардын өтті.

4 маусым

Жастар саясаты

Қоршаған айналаны қорғау күніне және нашақорлықпен күрес күніне арналған «Мұражай қалашығы» атты қалалық мерекелік акция өткізілді. Балалардың жазғы демалысы кезінде мұндай ойын-сауық іс- шара өткізу мұражай үшін дәстүрге айналды. Бұл жолы қатысушылар Мұражай галактикасы бойынша ғарышқа саяхатқа құпиялы планеталарға аттанды. Жұлдызды картада көрсетілгендей олар Эйва, Флора, Замбезия, Айкью, Смешариктер, Гончарлар, Құпиялар , Мим, Смайликтер планеталарында болып қайтты. Әрбір планетада оларды бірін бірі қайталамайтын қызықты тапсырмалар, сайыстар күтіп тұрды. 11 планетаны аралап, ғарыш әлемінің толық құқықты азаматы атанып, олар қайтадан Жерге оралды.

10 маусым

Полиция қызметкерлерінің күні

 «Мұражайлық детектив» интерактивтік –танымдық ойыны. Мектеп жанынан ашылған лагерь балаларына арналған бұл ойында полиция кәсібінің қыр-сырларымен танысты, криминалист, тергеуші рольдерін атқарды. Мұражай жәдігерлерімен жұмыс жасай отырып, қызықты ойындар, тапсырмалар арқылы дәлелдеме, дактилоскопия, графология, трасология дегеніміз не? Полиция қызметкері болу үшін қандай болу керек, нені білу керек? – деген сұрақтарға жауап іздеп тапты.

23 маусым