«Теміртау қалалық тарихи-өлкетану музейі» КМҚК-ның Еңбек күніне арналған экспозицияның ашылуы туралы есебі
2020 жылдың 17 қыркүйегінен 30 қыркүйегіне дейін Теміртау тарихи-өлкетану музейінде Еңбек күніне арналған «Мамандықтың бәрі маңызды» атты экспозиция ашылды.
Теміртау қаласы - республиканың ірі индустриялық орталығы. Қалада қара металлургия, химия, құрылыс, энергетика және жеңіл өнеркәсіп кәсіпорындары жұмыс істейді. Теміртау - Еңбек Даңқы қаласы. 1971 жылы Теміртау қаласы еңбектегі жетістіктері үшін Еңбек Қызыл Ту орденімен марапатталды. Сондықтан экспозицияның орталық бөлігінде көрікші мен құрылысшының арнайы жұмыс киімдері көрсетілген.
Экспозиция теміртаулықтардың негізгі еңбек мамандықтарымен танысуға мүмкіндік береді. Әр мамандық белгілі бір затпен байланыстырылған. Біз келушілерге 32 жәдігерден тұратын экспозициялық қатардағы нақты бір заттың қандай мамандыққа жататынын анықтауды ұсынамыз.
Экспозицияның ашылуына 16 адам қатысты. Онлайн режимінде аудиториямен қамту 318 адамды құрады.
