Экспедиция 2021 жылдың 21 маусымында басталып, бес күндік тур жасады. Экспедицияға қатысушылар Қарағанды туристік клубының мүшелері: Павел Кистанов, Виктор Королёв, Максим Королёв, Әділ Мұхаметжанов.
Бағыт Самарқанд су қоймасының айналасында өтті. Экспедицияның мақсаты «Киелі география» жобасы аясында өлкенің көрікті жерлерімен, тарихымен, осы жерлердің флорасы мен фаунасымен таныстыру және алдағы уақытта туған өлкенің тарихымен танысқысы және зерттегісі келетіндер үшін туристік бағыттарды дамыту.
Баспасөз конференциясында экспедиция қатысушылары қалалық және облыстық БАҚ журналистерінің сұрақтарына жауап берді. Топ жетекшісі Павел Кистанов өз әсерлерімен, жинаған материалдарымен және жоспарларымен бөлісті.
Баспасөз конференциясында Теміртау қаласы мәслихатының хатшысы А. Б. Ломакин сөз сөйлеп, экспедиция қатысушыларына алғыс хаттар табыс етті.
