2021 жылдың 3 қыркүйегінде cағат 16.00-де Теміртау тарихи-өлкетану музейінде Елена Малецкаяның «Сезім аймағы» атты жеке көрмесінің ашылуы өтті.
«Сезім аймағы» көрмесі суретшінің 90-шы жылдардан бастап қазіргі уақытқа дейінгі шығармашылық қызметінің әртүрлі кезеңдерінде жасаған жұмыстарын жинады.
40 – тан астам түрлі жанрдағы суреттер – табиғат көріністері, портреттер, натюрморттар. Бірақ басым бөлігі - әйел бейнесі.
Мұнда көркем суреттер, графикалық суреттер, сәндік-қолданбалы өнер туындылары, сонымен қатар флюид техникасында жаңа жұмыстар ұсынылды.
Көрмеге «ЖАЛЫН-ПЛАМЯ» әдеби шығармашылық орталығының өкілдері, қалалық «Т-Арт» суретшілер клубының мүшелері, қаланың шығармашылық зиялы қауым өкілдері қатысты.
