2021 жылдың 1 шілдесі күні Қазақстан Республикасы Тәуелсіздігінің 30 жылдығына және Ұлттық домбыра күніне орай онлайн форматта «Домбыра достарын жинайды» атты қуыршақ қойылымы өтті.
Айбатыр мен Настя есімді қуыршақтар Зере әжеге қонаққа барып, домбыра туралы таңғажайып әңгімелер мен аңыздар естіді. Кішкентай көрермендердің назарына домбыра, қобыз, үшбұрыш, сазсырнай, тай тұяқ және т. б. қазақ музыкалық аспаптарының алуан түрі көрсетілді.
Қойылым барысында №2 музыка мектебінің оқушысы Бодыева Элуиза «Балбырауын» атты Құрманғазының күйін орындады.
