2022 жылдың 21 қаңтарында Теміртау ТМД халық шығармашылығы және мәдени мұрасы жылына орайластырылған Дмитрий Ругистің «Қазақстандықтар» атты жеке көрмесінің ашылуы өтті.
Музейдің көрме залында 40 жұмыс ұсынылды. Бұл қара және ақ түстегі ауқымды фотосуреттер. Олар бірнеше жыл бойы, фотосуретшінің Қазақстан бойынша саяхаттары мен жұмыс сапарлары барысында жасалды. Бұл 100-ден астам түсірілімнен тұратын сериядағы фотосуреттердің бір бөлігі ғана. Бұл суреттерде еңбек адамдары, шалғайдағы, алыс ауылдардағы адамдар, өздерінің ежелгі дәстүрлерін сақтаған адамдар бейнеленген.
Орталық қабырғада Қазақстан Президенті Қасым-Жомарт Тоқаев жариялаған Балалар жылының символы және болашақтың символы ретінде балалар бейнеленген фотосуреттер орын алды.
Бірде-бір фотосуреттің атауы жоқ. Олардың барлығы бір ортақ атаумен біріктірілген - Қазақстандықтар. Бұл жерде үлкен мән-мағына бар. Біз бәріміз, Қазақстан деп аталатын, бір жерде тұрамыз. Қандай ұлт болмасын, біз бәріміз қазақстандықпыз.
