24 тамыз күні «Мәдениет, тілдерді дамыту, дене шынықтыру және спорт бөлімі» ММ-нің 70 жылдығына арналған экспозиция ашылды.
Экспозицияның негізі біздің шаңырағымыздың - Теміртау қаласы мәдениетінің бірегейлі жарқын атмосферасын құрайтын символдық сырмақ болды. Сырмақтың қақ ортасында - мәдени құндылықтар, мәдени мұра арқылы ұрпақтардың мәңгілік байланысын бейнелейтін «мәңгілік» деп аталатын қазақ ою-өрнегі орналасты. Мұнда сонымен қатар, «шамды» көруге болады – ол рухани кемелдікке апаратын жолда шабыт беріп, сол жолды жарық ететін мәдениет нұрының символы.
Экспозицияда «Мәдениет, тілдерді дамыту, дене шынықтыру және спорт бөлімі» ММ-нің заманауи құрылымы мен қызметі туралы фотоматериалдар ұсынылған. Қызықты құжаттардың бірі - Теміртау қалалық еңбеккер депутаттары Кеңесі атқару комитетінің «Қалалық мәдениет бөлімін құру туралы» шешімінің көшірмесі.
