2024 жылдың 11 наурызында "Кішкентай дарындар Академиясы" жеке меншік балалар бақшасында "Қош келдің, Әз Наурыз!" атты қуыршақтар көрінісі өз жұмысын бастады.
Экскурсия жүргізушілердің көмегімен Қарашаш, Айбатыр және Лан есімді қуыршақтар Наурыз мейрамының пайда болуы мен тойлануы туралы қызықты әңгімелер айтып берді, сонымен қоса:
- дәстүрлі дастархан жайды;
- "Наурыз көже"дәстүрлі тағамын дайындады;
- "Белкөтерер", "Ұйқы ашар", "Селт еткізер", "Шашу", "Бата" салт-дәстүрлерімен таныстырды;
- "Наурыз жұмбақ" жарысы, "Айтыс"ән байқауы өткізілді;
- Ұлттық ойындар ойнады: "Асық", "Арқан тарту", "Қол күрестіру".
Әңгіме ежелгі артефактілер мен музей жәдігерлерін көрсетумен қатар жүрді, балалар оларды қолдарымен ұстап көрді. Экскурсия жүргізушілер ұлттық киімдер киіп, естелік фотосуретке түсті.
Бағдарламамен Теміртау қаласының барлық мектепке дейінгі мекемелері қамтылды.
