2024 жылдың 19 наурызында Теміртау тарихи-өлкетану музейінде Наурыз мейрамына орайластырылған музейлік - білім беру жобасы мен іс-шаралар аясында «Ұлттық этикеттің алтын ережелері» атты сараптамалық сессия өтті.
Қатысушылар сарапшылар рөлін атқарды. Оларға мінез - құлық нұсқалары театрландырылған түрде көрсетілді – қалай сәлемдесу, қоштасу керек, қалай отыруға болады немесе отыруға болмайды, шайды қалай дұрыс беру керек, қамшымен, белбеумен, пышақпен, қазанмен және басқа да материалдық мәдениет заттарымен қандай әрекеттер жасауға болмайтынын білді. Сарапшылар, ұсынылған әрбір нұсқаны талқылап, мәдениет пен мінез-құлық ережелеріне қатысты дұрыс жауап берді.
