2025 жылдың 17 қаңтарында Теміртау тарихи-өлкетану музейінде «Ай жәдігері» жобасының аясында онлайн режимде «Қамшы» экспозициясы ашылды.
Теміртау музейінің этнографиялық жинағында тұрмыстық көпфункционалды заттардың бірі сақталған, ол әрі қару, әрі биліктің нышаны, әрі дүлей күштерден қорғау болып табылады. Әр түрлі халықтарда атауы да әр түрлі, бірақ қолданылу мақсаты бір. Бұл - қазақ халқының шеберлерінің өнер туындысы болып табылатын қамшы.
Қамшы қазақ халқының мәдени-тұрмыстық өмірінде ерекше орын алды.
«Ай жәдігері» жобасы аясындағы экспозицияда ұсынылған қамшы нағыз былғарыдан жасалған. Ол алты жолақ былғары баудан өрілген, сабының соңында металл қыстырмасы бар. қамшының тарихы белгісіз, музей қорына шамамен 1980-ші жылдары келіп түскен.
Қамшының ғасырлық тарихы көшпенділердің өмір салтын қалыптастырған дәстүрлер мен рәсімдермен тығыз байланысты. Өз бойында орасан зор тарихты сақтаған материалдық әлемнің қарапайым заттары бүгінгі күнге дейін қазақ халқының өміріндегі өз маңыздылығын сақтап қалған.
