8 сәуірде Теміртау қалалық тарихи-өлкетану мұражайында «Байқоңыр» космодромының 60 жылдығына арналған «Ғарышқа ең қысқа жол» атты іс-шара өткізілді. Бұл біздің мемлекетіміздің аймағында орналасқан әлемдегі ең ірі ғарыш айлағы. Іс-шараның мақсаты жас жеткіншектерге өз еліне деген мақтаныш сезімін ояту, олардың шығармашылық және танымдық қасиеттерін дамыту болды.
Байқоңыр қаласы мен ғарыш алаңы Байқоңыр кешенін құрайды. Бүгінгі таңда ол жабық қала режиміндегі нысан саналады. Қалаға кіру рұқсат қағаз арқылы жүзеге асырылады. Сондықтан бастапқыда оқушыларға іс-шараға кіруге арналған, мұражайдан естелік ретінде рұқсат қағаздары таратылды.
Іс-шараға қатысушылар тарихқа шолу жасап, «Байқоңыр» ғарыш алаңының пайда болуы туралы көптеген сұрақтарға жауап алды. Балалар ғарышты дамытуда өз үлесін қосқан тұлғалармен, маңызды оқиғалар желісімен танысты. Барлық ақпарат сурет және видео материалдармен толықтырылды.
Іс-шараға №10 аралас орта мектебінің 7 сынып оқушылары қатысты.
