15 маусымнан бастап екі апта бойында Теміртау қалалық тарихи-өлкетану мұражайында «Ұлттық дәстүрлерге 550 жыл» атты танымдылық интерактивтік ойын өтеді.
Қазақ салт-дәстүрлерінің қалыптасу бастамасы қазақ мемлекеттігінің қалыптасу тарихымен тығыз байланысты. Бұл дәстүрлер ұрпақтан ұрпаққа жеткізіліп, бүгінгі күндеде ел арасында.
Ойын мұражайдың үш залында өтеді. Аңшылар мектебінде аңшы құстармен өтетін аңшылықтың барлық құпиясымен танысады. Қандай аңдар құстың тырнағына ілінетінін біліп, өз күштерін сынап көреді.
Геральдикалық шеберханада сұлтандардың мөрімен танысып, әр бала өз мөрін жасап көреді. Тиындар сарайында Қазақстан аймағында айналымда болған көне тиындармен танысып, теңгенің құрылу тарихын біліп, ұлттық валютамен қаншалықты таныс екенін тексеретін тестен өтеді.
Барлық тапсырманы орындап, балалар Ұлттық дәстүр даналары деген куәлікке ие болады.
