17 қыркүйекте сағат 12.00 –де Теміртау қалалық тарихи-өлкетану мұражайында еңбек күніне арналған «Мың түрлі мамандық» атты іс-шара өткізілді.
Біз бұл күнді ерекше атап өттік. «Мың түрлі мамандық» деп аталатын жаңа жоба іске қосылды. Жоба негізінде біз қызықты және ерекше маман иелерімен таныстырдық: Валентина Тихоновна Князева – саңырауларға арналған мәдениет Сарайының алғашқы директоры, Кибин Владислав Юрьевич – Теміртау қаласының құтқару стансасының сүңгуірі, Кузяханова Светлана Степановна – Тілден ауыр зақым алған балаларға арналған мектеп-интернатының логопед мұғалімі, Шоқпанов Азамат – «Салекс» кинологтар қызметінің кинологы.
«Мирас» колледждінің оқушылары және іс-шараның қонақтары сурдоаудармашының жәй аудармашыдан айырмашылығы неде екенін, кинолог қызметінде қандай қиындықтар бар екенін, сүңгуіршілердің өмірі қандай қауіптермен қатерлі екенін, сөйлеу кемістіктері бар адамдарға логопед қалай көмектесетінін білді.
