17 қазан күні қалалық тарихи-өлкетану музейінде Діни келісім күніне орай «Дін жамылған терроризм» атты іс-шара өткізілді.
Іс-шараға №27 мектептің 9-сынып оқушылары, тарих пәнінің мұғалімдері қатысты.
Музей балалардың діни сауаттылық дәрежесін білу үшін мақсатты аудиторияға алдын ала шамалап сауалнама жүргізді.
Сауалнаманың қорытындысы іс-шарада айтылып, балаларға Қазақстан Республикасының территориясындағы экстремистік ұйымдардың әрекеттері жайлы кино және фото жинақтамалар көрсетілді.
Оларға үлестірме материал тарқатылды және ҚР территориясында соттың шешімімен тыйым салынған 24 экстремистік және террористік ұйымдар туралы танысуға мүмкіндік болды.
