14 наурыз күні Теміртау қалалық тарихи-өлкетану музейінде Наурыз мерекесі қарсаңында «Қуыршақтар көрінісі» атты жаңа жобаның тұсаукесері өтті.
Қарашаш пен Айбатыр есімді қуыршақтар жүргізген экскурсияны қаламыздың оқушылары тамашалады. Наурыз мейрамын тойлауымен байланысты салт-дәстүрлер туралы әңгімелеп, тіпті көрсетіп те берді. Қуыршақтар қонаққа келген балаларға мерекелік дастархан жайып, дәстүрлі наурыз тағамдарын ұсынып, қызықты ұлттық ойындарын ойнады.
