2018 жылдың 14 желтоқсанында Теміртау тарихи-өлкетану музейінде Қазақстан Республикасының Тәуелсіздік күніне арналған " Тәуелсіздік игілігі" тақырыбында квест өткізілді.
Квестке музейдің белсенді келушілері №24 орта мектептің оқушылары қатысты. Оларға Тәуелсіздік кезеңде біздің мемлекетіміз қандай игіліктерге жеткені туралы баяндайтын 6 локациядан өту ұсынылды - Президент, Мемлекеттік рәміздер, Конституциялық Заң, Қарулы күштер, Ұлттық валюта, бас қала Астана. Әрбір локацияда балалар шығармашылық және интеллектуалдық тапсырмалар орындады – мультимедиялық картаны зерттеп, ұлттық валютаға экспертиза жүргізді, әскери паёк жинап, құжаттарды зерттеу арқылы Тәуелсіздік нышандарын тапты.
