2019 жылы 12 сәуірде Теміртау тарихи-өлкетану музейінде Халықаралық кітап күніне арналған "Фаренгейт бойынша 61 градус" көрмесі ашылды. Фаренгейт бойынша 61 градус немесе Цельсий бойынша 16,5 градус - кітаптарды ұзақ сақтау үшін оңтайлы температура. Музей алғаш рет осы қатаң ережені бұзды және қордан құнды кітап басылымдарын алып шықты.
Көрменің аса құнды экспонаттары – 1935 жылы латын қарпінде жазылған (яналиф) қазақ тіліндегі математика оқулығы, XVIII ғасырдың араб тіліндегі мұсылман діни кітабы, XIX ғасырдың христиан діни әдебиеті мен оқулықтары, ІІХК қызметкерлерінің оқулық құралы және "Мастер и Маргарита"романының бірінші басылымы. Бұл құндылықтар экспозицияның алғашқы келушілері – политехникалық колледж студенттері мен республикалық, облыстық және қалалық БАҚ журналистерінің қызығушылығын тудырды.
Экспонаттар раритеттің шығу дәуіріне сәйкес келетін музей заттарымен толықтырылған аймақтарда көркемдік шешіммен орналастырылды. Экспозицияға келушілер үшін фотозоналар қарастырылды.
«Фаренгейт бойынша 61 градус» көрмесі - музейдің көпжылдық жинақтау және ғылыми-зерттеу қызметінің нәтижесі. Әр экспонаттың республика және Теміртау қаласының тарихымен байланысты тарихы бар.
