2019 жылы 30 сәуірде Теміртау тарихи-өлкетану музейі Қазақстан халқының бірлігі күніне орай «Орыс костюмінің ғасырлық дәстүрі» атты іс-шара өткізді.
«Ұлттық костюмнің тарихы» жобасы аясында жыл бойы ғылыми-зерттеу жұмысы жүргізілді, соның арқасында ХХ ғасырдың басындағы Самара губерниясының орыс әйел костюмі қайта жаңартылды. Ол орыс ұлттық киімінің тұтас бейнесін көрсетуге мүмкіндік берген дефиледе ұсынылды.
Осы жобаның аясында 4 жыл ішінде жасалған жұмысты еске сала кетсек, әр жыл сайын «Халық костюмі» тақырыбындағы дефиле форматында өткізіліп отырған қызықты да мазмұнды іс-шаралар болды. Музей подиумында қазақ ерлер және әйелдер киімдері, сондай-ақ поляк, неміс, грек киімдерінің үлгілері көрермендердің назарына ұсынылып, көңілдерінен шықты.
Дефиле-көрсетілімге орыс халқының ұлттық әйелдер костюмінің алуан түрін көрсеткен «Берегиня» орыс этно-мәдени орталығының өкілдері қатысты.
