2021 жылдың 16 қыркүйегінде «Ай жәдігері» жобасы аясында онлайн режимде «Деректі куәгерлер. Қазақстандағы XX ғасырдағы жазба тарихы» экспозициясының ашылуы өтті.
Көрермендер назарына латын әліпбиін қолдана отырып, қазақ тілінде жазылған сирек кездесетін құжат ұсынылды.
1997 жылғы 11 шілдедегі Қазақстан Республикасының Конституциясы мен «Қазақстан Республикасындағы тіл туралы» Заң қазақ тілін мемлекеттік тіл мәртебесінде, қолданылатын жазу таңбаларын нақтыламай бекітеді.
Бүгінде қазақ жазбасы дамудың жаңа кезеңіне – латын қарпіне көшуге бет бұруда. Біздің тарихымызда бір әліпбиден екінші әліпбиге көшу орын алған.
VII-VIII ғасырларда Араб халифатының Орталық Азияда исламның таралуы үшін көп жылдар бойы жүргізген соғыстың нәтижесінде араб жазуы Орта Азия мен Қазақстанда рухани және зайырлы мектептерде, ресми хат алмасуда қолданылды.
ХХ ғасырға қарай араб өрме жазуының кемшіліктері ерекше айқын болды, ең бастысы, ол қазақ тілінің фонетикалық алуан түрлілігін жеткізе алмады.
1926 жылдың Бірінші Бүкілодақтық түркітану съезінде көпшілік дауыспен жаңа заманауи әліпбиді әзірлеу туралы шешім қабылданды. Көптеген пікірталастардан кейін 1929 жылы Қазақ жазбасын латын қарпіне көшіру жүзеге асырылды.
1940 жылы Қазақстанда барлық кеңес халықтарын кириллицаға аудару саясатының салдарынан жаңа әліпби қабылданды.
Бүгінгі ауысуға Қазақстанның Тұңғыш Президенті Нұрсұлтан Назарбаев 2017 жылғы 26 қазанда Қазақ тілі әліпбиін кириллицадан латын әліпбиіне көшіру туралы Жарлыққа қол қою арқылы бастамашы болып отыр.
Қазақстан Республикасының Президенті Қасым-Жомарт Тоқаев ақпараттық кеңістік үнемі өзгеріп отыратынын бірнеше рет атап өтіп, бұл бастаманы қолдайтынын білдірді. Латын қарпіне көшу жас ұрпақтың жаңа болмысқа органикалық түрде енуіне көмектеседі.
