2021 жылдың 19 маусымында «Вдохновение» үлгілі вокалдық-хореографиялық ансамблінің 30 жылдығына орай, Теміртау қаласының Мәдениет сарайының фойесінде, «Теміртау қалалық тарихи-өлкетану музейі» КМҚК «Вдохновение» ансамблі қызметінің шежіресін суреттер арқылы ұсынды.

ҮВХА «Вдохновение» 1991 жылы Теміртау қаласында ұйымдастырылды. Ұжым құрылған уақыттан бері 300-ден астам концерттік нөмірлер қойылды, ансамбльдің қоржынында республикалық және халықаралық байқаулар мен фестивальдардағы 100-ге жуық жеңіс бар, ұжым қатысушыларының саны 10-нан 250 адамға дейін өсті, ұжымның әрбір оныншы түлегі өз өмірін хореографиямен және вокалмен байланыстырды.

720-дан астам адам суреттер арқылы көрсетілген ансамбль шежіресімен танысты, олар - теміртаулықтар және «Вдохновение» ансамблінің мерейтойлық концертіне келген қала қонақтары.