2024 жылғы 18 маусымда мектеп жанындағы лагерьлерге арналған «Уақыт кеңістігі» атты білім беру жобасы іске қосылды. «Ұшу аппаратының» көмегімен жобаға қатысушылар уақыт кеңістігінде саяхатқа аттанды: олар тас дәуірінде, орта ғасырда және болашақта болып қайтты.

Уақыт сызығының көмегімен адамзаттың даму кезеңдерімен танысты.

Тас дәуірінде ойыншыларды үңгір адам қарсы алды. Балалар «қармақ» құрылғысының көмегімен мамонтты, бизонды, қылыш тісті жолбарысты, үңгір аюын және тағы басқа аңдарды аулады, сонымен қатар кезеңдерге сәйкес жәдігерлерді дұрыс орналастырды: мезозой дәуірі, тарихқа дейінгі кезең (алғашқы қауымдық қоғам), қазіргі дәуір.

Орта ғасырларда экскурсанттарды Тәуке хан қарсы алып, қазақ ұлттық ойындарымен танысуды ұсынды. Жобаға қатысушылар «бәйге» жарысына қатысып, асық ойнап, арқан тартысты.

Болашақ кезеңде Хоуп Саммерс жобаға қатысушыларды жарқыраған қақпада қарсы алып, болашақ музыкасына билеуді ұсынды. Сондай-ақ, қызықты ойындар ойнады: мұнда балалар жәдігерлердің түстеріне сәйкес түймелерді контейнерге орналастырды: телефон, магнитафон, сифон, сөмке, арифмометр. Болашақ ойындарының бірі: жәдігерлерді олардың атауларына сәйкес орналастыру (айнадағы бейнесі түрінде оқу).

Жобаның алғашқы қатысушылары № 9 мектеп-лицейінің оқушылары болды.