25 маусымда сағат 20.00-де Теміртау қалалық тарихи-өлкетану музейі Самарқанд су қоймасының құрылуының 85 жылдығына арналған «Тарихқа саяхат» атты air-экскурсиясын ұйымдастырды. Экскурсия «Торнадо» яхта клубының базасында жасанды су қоймасының жағасында өтті.

Экскурсияға қатысушылар Самарқанд су қоймасы (Жауыртау, Жұмақ түбегі, Жаңғыз төбе аралы, Жапон шығанағы және т.б.) орналасқан жердің тарихы мен топонимикасы, оның құрылыс кезеңдері, осы нысанның өнеркәсіптік және рекреациялық маңыздылығы және көлдің ашылмаған құпияларымен танысты.

Тарихи әңгімеде Теміртау өлкетану музейінің қорында сақталатын фотосуреттер мен құжаттар қолданылды.