2024 жылдың 6 қыркүйегінде Теміртау қалалық тарихи-өлкетану музейінде Отбасы күніне орай «Жанұя» отбасылық тимбилдингі басталды.

Командалық ойын барысында отбасы мүшелерінің әрқайсысы тапқырлық пен зейінділік танытып, біліммен қаруланып, келесі тапсырмаларды орындады:

• музей твистерін ойнады;
• ақшаның қарабайыр түрлерін анықтады;
• арнайы «магнитизатор» құрылғысының көмегімен құстарды ұстады;
• ата-аналар көздерін жұмып жүріп, балалардың нұсқауы бойынша кірпіш қабырға қалады;
• ата-аналардың қолдауымен Балалар заттарды сұлбасы бойынша анықтады;
• ежелгі адамға айналды;
• жүнді өңдеу кезеңдерімен танысты.

 Ойынға Теміртау қаласының тұрғындары қатысты.