14 желтоқсан күні сағат 10:00-де Теміртау қалалық тарихи өлкетану мұражайында Қазақстан Республикасының тәуелсіздік күніне арналған «Тәуелсіз азаматтары» атты интерактивтік іс-шара өтілді.

Іс шараға № 6 орта білім беретін мектеп оқушылары шақырылды, олар мемлекеттің негізгі «Қазақстан 2050» стратегиясы мен «Мәңгілік ел» ұлттық идеясы мен «Нұрлы жол» бағдарламасымен танысып, Қазақстанның 2015 жылғы атаулы мерейтойларды еске түсірді.

Интерактивтік зоналарда оқушылар көптеген жәдігерлердің арасынан Теміртау қаласында шығарылатын өнімдерді іздеп тапты; Қазақ, орыс, корей халықтарына тән ұлттық тұрмыстық заттарды анықтап, сәйкес орнына орналастырып, ұлттық киімдерді киіп көрді; қазақстандық батырларды еске түсіріп, қазіргі замандағы, бейбіт күндегі батырлары: ғарышкер Т.Әубәкіров пен болат қорытушы А.Жүнісовтың жеке заттарын қолына алып көрді.

Іс-шараның соңында, 2015 жылғы атаулы мерекелердің және мемлекеттік бағдарламалардың логотиптері бар Тәуелсіздік куәлігі тапсырылды.