28 қаңтарда сағат 14.00-де Теміртау қалалық тарихи-өлкетану мұражайында Теміртау қаласын Еңбек Қызыл Ту орденімен марапаттауының 45 жылдығына арналған (1971 жыл 22 қаңтар) «Еңбек ту» іс шарасы өтті.

Іс-шараға ардагерлер, қаламыздың қарттары, Еңбек Қызыл Ту орденінің иегерлері, мектеп оқушылары қатысты. Іс-шара барысында Теміртау қаласының құрылысына және орденімен марапатталуына арналған арнайы видео - шежіре көрсетілді және «Құрмет» орденінің иегері, Теміртау қаласының Құрметті азаматы,  қалалық ардагерлер Кеңесінің төрайымы Вахитова Н.Т. сөз сөйледі.  КарГРЭС-1 еңбек ардагері Деркач И.С, Еңбек Қызыл Ту орденінің кавалері, СК зауытының еңбек ардагері, ҚазКСР дербес зейнеткері Рыскаль В.М.;  болат қорытушы, ҚазКСР Мемлекеттік сыйлығының лауреаты, Еңбек Қызыл Ту орденінің иегері, КСРО-ның Құрметті металлургі М. А. Жаныбеков өз естеліктерін айтты.