25 ақпанда сағат 12.00-де Теміртау қалалық тарихи-өлкетану мұражайында, Халықарарлық әйелдер күні мерекесі қарсаңында және Қазақстан Республикасының гендерлік саясатын қолдау мақсатында, Қалалық перзентхананың 45-жылдығына арналған «Тек әйелдердің ісі» экспозициясы ашылды. 

Экспозицияда Теміртау қаласында гинекологиялық көмек көрсету бөлімі мен әйелдерді босандыру қызметінің ұйымдастырылуы мен тарихы, сонымен қатар қалалық перзентхананың заманауи жұмыс барысы ұсынылды. Жәдігерлердің ішінде бұрын соңды перзентхананың қабырғасынан шықпаған бірегей медициналық жабдықтар бар: акушерлік және нәресте кереуеті, медициналық перде, хирургиялық костюм мен акушер-гинекологтардың құрал-жабдықтары.

Іс-шараға Теміртау перзентхана үйінің ардагерлері, қызметкерлері шақырылды, сөз сөйлеушілердің ішінде: «Теміртау қ. Перзентханасы»  КМК-ның директоры Аманжолова Сәуле Гайролловна;

Перзентхананың тұңғыш акушері Скуридова Валентина Васильевна;

Акушер-гинеколог дәрігер, ұзақ уақыт гинекологияның оперативті бөлімін басқарған Десятниченко Александра Васильевна болды.