8 қыркүйекте музейде «Юрканың солянкасы» атты белгілі теміртаулық суретші, «Т-Арт» клубының жетекшісі Юрий Пильтихиннің жеке көрмесі ашылды.

Суретшінің 60 жылдығына арналған бұл көрме 100 шақты туындылардан тұрды. Көрменің ерекшелігі оның жанжақтылығы, әр түрлі жанрлардың қоспасы. Алдыңғы қатарда қала келбеті – ескі қаланың көшелері, қиылыс-бұрылыстар, сәулет нысандары - бейнеленген суреттер. Көрмеде қолөнер шығармашылығының туындылары да көрсетілді – маскалар, коллаж.  Юрий Васильевич негізінде графикалық суреттің шебері, сондықтан да осы жанрда салынған пейзаждармен, портреттер көбінен кездеседі. Суретшінің тағы бір әуесқойлығын көрмеде көруге болады- бұл фотсурет..

Көрмеге «Сплав» фотосуретшілер клубының мүшелері, «Т-Арт» суретшілер клубының мүшелері, политехникалық колледждің «Дизайн» факультетінің студенттері қатысты.