2018 жылдың 17 тамызында Теміртау қалалық тарихи-өлкетану музейі «Рухани жаңғыру» Мемлекеттік бағдарлама аясында «Жауыртау-Теміртау» экспозициясын ашты. Музейдің өлкеміздің тарихын зерттеудегі соңғы жылдардағы жұмысының нәтижесін көрсеткен экспозиция «Жауыртаудағы кездесу» форум фестивалінің алғашқы ғылыми практикалық конференциясын өткізуге негіз болды. Экспозицияның әрбір ақпараттық бөлімі, XIX ғасырдың ортасынан XX ғасырдың басындағы, бірегей этнографиялық жәдігерлермен толықтырылды.

 Ғылыми –практикалық конференция  барысында музейдің аға ғылыми қызметкері Т.В. Хмелева Жауыртау өткелінің тарихы туралы, тарихи-өлкетану музейі жинаған, бұрын –соңды жарық көрмеген, тарихи мәліметтерден тұратын баяндама жасады.  

Теміртау музейінің зерттеу жұмысы «Жауыртаудағы кездесу» форум фестивалінің тақырыбына ғылыми негіздеме болып табылды.