«Музей қалашығы» бұл Теміртау музейінің авторлық жобасы. Бұл кең ауқымды акция балалардың жазғы демалысында, қоршаған ортаны қорғау және наркобизнес пен нашақорлыққа қарсы күрес күніне арнайы өткізіледі.
Музей алаңында, әрбір бала өзінің шығармашылық мүмкіншілігін таныта алатын, экспонаттар орналасқан интерактивтік зоналар жұмыс жасайды. Жыл сайын тақырыбына сәйкес шығармашылық алаңдар ауысып отырады.
Жоба ұзақмерзімді, он жылдан астам уақыт ішінде ұйымдастырылып отыр. Осы аралықта «Музей қалашығына» 16000 астам адам қатысты.
