2021жылдың 24 желтоқсанында, 14 қаңтарға дейін жұмыс жасайтын, «Музейлік Жаңа жыл» танымдық бағдарламасы жүзеге асырылды.

Келушілерді «Музейлік Жаңа жыл» бағдарламасы күтіп тұрды.

Арнайы жаңа интерактивті аймақтар дайындалды. Әр аймақтың тақырыбы – «сыйлық қап». Олар музей кеңістігінің барлық залдарында орналасқан және кешті көңілді өткізуге мүмкіндік береді.

• Таспаға өз тілектерін жазып, үлкен тілек қабына кіріп, қонақтар оны сол жерде қалдырды.
• Жанасу қабын қолмен ұстап көріп, ол жерде не жасырылғанын тапты.
• Ал болжау қабы келесі жылы оларды не күтіп тұрғанын білуге мүмкіндік берді.

Интерактивті фотоаймақтар жұмыс істеді – «Абстракция» орманы, Фотосыйлық, 50 - ші жылдардағы Жаңа жыл, Аяз Атаның шанасы - онда қонақтар басқа кейіптерге еніп, түрлі костюмдер киіп, тіпті ХХ ғасырға да аттанып кетті.

Кеш бағдарламасында зеріктірмейтін музей ойындары мен зияткерлік ойындар қарастырылған:

• Музей заттарының дүкені - әрқайсысы музей жәдігерлерінің қай жерде, не үшін қолданылатынын тапты;
• Музей қолтырауыны қонақтарға музей заттарын ым-ишарамен көрсетуге мүмкіндік берді;
• Өз қорқыныштарын жеңгісі келетіндер музей қорқыныштары шатырына кіру мүмкіндігін пайдаланды;
• Қаптармен күресу - тек ептілікті ғана емес, сонымен қатар музей затын түсіне сәйкес есте сақтауды да қарастырды;
• Ал бой өлшегіш - өздерін сантиметрмен емес, қаппен өлшеуге мүмкіндік берді.

Әрбір келуші ұтыс ойыны 14 қаңтарда Instagram-да тікелей эфирде өтетін музей лотереясының қатысушысы болды. Барлық қонақтар музейге жеңілдікпен кіруге мүмкіндік беретін жаңа жылдық сыйлық сертификатын алды.