2022 жылғы 14 қазанда Теміртау тарихи-өлкетану музейінде «Ай  жәдігері» жобасы аясында онлайн режимде ҚарГРЭС-тің 80 жылдығына орай «Фотоальбом» экспозициясының ашылуы өтті.

Музей қорында «ҚАРГРЭСҚҰРЫЛЫС» фотолабораториясының №1 альбомы сақталған, оның көмегімен 1935 жылы Нұра өзенінің жағасына аттануға болады.

Альбомның фотосуреттерінде сол жылдың барлық негізгі құрылыс нысандары бейнеленген. Бөгет салу. Жағалаудағы сорғы станциясы үшін шұңқыр қазу. Уақытша электр станциясын салу.

ҚарГРЭС құрылысының алғашқы жылдарындағы ең маңызды міндеттердің бірі Солонички станциясына дейін теміржол салу болды. Ол 1932 жылы басталды.  Жұмыс жыл бойы ауа-райына қарамастан жүргізілді. Фотосуреттердің бірінде  ерекше механизмді көруге болады: теміржолға қойылған платформалары бар трактор. Көлік құралдарының жетіспеушілігіне байланысты рельс пен шпалдарды тасымалдауда қиындықтар туды. Құрылысшылар бұл қиындықтың шешімін тапты: олар кәдімгі трактордың дөңгелектеріне металл бұрыштар салып, оны рельстерге қойды.

Бірақ өнеркәсіптік нысандар ғана салынбаған. Тұрғын үйлер салынды. Мектеп ғимаратының құрылысы басталды. Ауылда тіпті өзінің метеорологиялық станциясы пайда болды.

«ҚАРГРЭСҚҰРЫЛЫСТЫҢ»  фотолабораториясының №1 альбомы - бірегей, баға жетпес жәдігер. Оның беттеріндегі фотосуреттер электр станциясының құрылысы туралы ғана емес, сонымен қатар әлдеқайда әсерлі оқиғалардың басталуы туралы айтады. Өйткені, егер КарГРЭС салынбаған болса, онда металлургия зауыты да болмас еді. Ал Самарқанд кенті ешқашан Теміртау қаласына айналмас еді.

Экспозицияның ашылуы әлеуметтік желілерде тікелей эфирде өтті. Экспозиция бір ай бойы жұмыс істейді.